冷雨挥寒剑：粤语集趣（01）

一本用佛山本地话编写，专门研究粤语源流的专著《家机集》近日在佛山面世。著者是佛山禅城本土人。著者是大学工科毕业。著者以国际音标标注本地话发音。集中收入不少地道的佛山话。

【色水】【茂利】【老豆】【霞雾】.......说法来自何处？睇过就知啦！著者还不断地有新的研究成果推出，可喜可贺！

山溪有诗贺简兄大作《家机集》问世：

俚语村音梓里情，

其然所以散零星。

补遗探溯终成集，

词海勾沉又一经。

[话说佛山] 佛山话说佛山，拟不定期辑录简兄"粤语研究"中新的或旧的著作，以飨读者。

【冇走趲】
冇走趱系指“冇足够嘅时间、空间”，呢个词比较常用，但好少人知道个“趱”字点解。趱字粤语读“盏”音（一盏灯的盏），古汉语意思是“快走、赶”的意思，可以将冇走趱理解为“没有时间去走或快走”，呵呵！这样时间概念就啱了，但空间概念就唔系几啱。跟住我再睇下古百越语系点解释，佢亦有呢个字，趱嘅意思系“爬行”，特别系指虫子的爬行。冇走趱响百越语解释就系“没有时间或空间去走或爬行”，呵呵！我谂百越语解释会啱啲吧，你话呢？参考当代壮语：趱=canq

【色水】【毛水】
有啲我哋常用嘅词到底点嚟嘅？好似呢两个“水”字，用古汉语可能是解释不了的，呢个字意思肯定就唔系河水个“水”，照字面睇，可能与“色'有关，因为”毛水“就系”毛色“嘅意思，系用来形容动物的毛嘅。我推测呢个”水“字来自古百越语，水字系”迹、痕迹、色迹“嘅意思，这样就比较合理咁解释倒色水、毛水嘅含义，即：色的色迹（色水）、毛的色底（毛水）。参考现代壮语：水=soiz

【耐】
耐是一个比较常用嘅粤语词，意思是“久”，并且有耐时、耐中、耐不耐、耐耐等词，耐呢个词基本可以排除来自古汉语，我查咗下客语（即客家话）、闽语都冇“耐”字的说法，远一啲嘅楚语（如湖南娄底方言）亦冇，唯独壮语有类似的词，壮语有两个同义词，一个系：naih（此与粤语同音），另一系：nanz（类似粤语“难”音），前者是否与粤语有发生学的关系？ 我认为是比较肯定的，并且个人认为naih与nanz应该系佢哋方言嘅区别。

【霞雾】
我哋有时候话自己“霞雾”，就系话自己糊里糊涂连做过乜都唔知、都唔记得，如堕五里雾中吧，故写作“霞雾”。其实非也，霞雾一啲都同“雾”无关，我推测“霞雾”系一个古百越语词，查咗下，原来，“霞”是“眼”的意思，而“雾”是“猪”的意思，连埋一起就系“猪眼”嘅意思（百越语词序掉转：眼猪=猪眼），呵呵！好似猪只眼唔“霞雾”先致怪呢！参考壮语：霞=ha，雾=mou

【老豆】【衰鬼豆】
粤语的老豆与衰鬼豆都有个“豆”字，佢哋意思是否一样？如果唔一样则点解？据说，老豆应写作“老窦”，窦就系窦燕山（人名，大家可另查百度），但我查咗下，称谓父亲为“老乜乜”嘅方言，从南到北，除粤语外，就系湖南嘅娄底方言，佢哋叫父亲做“老人家”（可作尊称或背称），娄底方言属古代的南楚语，粤语早期应该被南楚语影响过（这是题外话），所以，我觉得，如果“老窦”（呢个词）系北方嚟嘅，北方话一定有某些遗留痕迹，但我哋查唔出，豆来自“窦”的可信性不是好足。相反，个人意见认为豆字来自“头”字，老豆就系“老头”、衰鬼豆就系“衰鬼头”、仲有“死人头”等等。古汉语“头”字读浊音，【广韵】读类似“豆”音，而家佛山市郊区（如澜石、张槎）头字仲系读dou（豆）音，远啲嘅顺德话都系。所以，豆来自“头”有好充足嘅证据。